Lorea Bilbao Bilbon jaio zen 1968. urtean. Irakasle Eskolako diplomaduna da, eta Euskal Filologiako eta Gizarte eta Kultur Antropologiako lizentziatua. Euskal Kulturako graduondokoa egin du eta goi-mailako hezkuntzako gaitasunen berrikuntza eta garapenari buruzko master bat. Euskara irakaslea izan da Labayru Ikastegian, eta aisialdiko monitore eta ume eta gazteen hezitzaile; horrezaz gainera, Begoñako Andra Mari Irakasleen Unibertsitate-Eskolako irakasle izan da zenbait alditan: 1989-1990. ikasturtean, eta 1991-1992 ikasturtetik 1999ra arte. Urte horietan departamentuko buru izan zen, idazkari akademikoa eta zuzendariorde akademikoa (2009. urtetik 2013. urtera). Horretaz gain, kargu hauek izan ditu: Eusko Jaurlaritzako Euskara Sustatzeko zuzendaria (2000-2005), Eusko Jaurlaritzako Kulturako aholkularia hizkuntza-politikarako (2005-2009), Bizkaiko Batzar Nagusien ahalduna (2011-2015), eta Euzkadi Buru Batzarreko burukidea, euskara, hezkuntza, kultura eta kirol arloetako arduradun gisa. Aurreko legegintzaldian (2015-2019) Euskara eta Kultura saileko foru diputatua izan zen. Oraingo legegintzaldian ere kargu bera du.
Lorea Bilbaok Bizkaiko sektore kulturaleko liderrekin hitz egiten du, kultura gizarte hobea, kohesionatuagoa eta aurreratuagoa lortzeko funtsezko elementu gisa duen balio eraldatzaileari buruz:
- Aitzol Batiz (Kultibako garapen estrategikoaren eta kanpo-harremanen arduraduna),
- Ixone Sádaba (MovingArtists fundatzailea),
- Andoni Aldekoa (Euskalduna Jauregiko zuzendari nagusia),
- Ana García Carbajo (Elai-Alaiko administraria),
- Ramon Barea (Aktorea, antzerkigilea eta Pabilioi 6 eta Antzerki Konpainia Gaztearen bultzatzailea)
- Begoña De Ibarra (La Encartada fabrika-museoko zuzendaria)